तौलिहवा । कपिलवस्तु जिल्लामा कोरोना भाइरस (कोभिड १९) संक्रमितको संख्या ४१४ पुगेको छ । बिहीबार बिहान थप १२ जना पोजेटिभ पुष्टि भएसंगै संक्रमित ४१४ पुगेका हुन् ।
थपिएका संक्रमितमा एक महिला र ११ पुरुष हुन् ।
थपिएकामा बाडगंगा नगरपालिका वाड नं १ वर्ष २१ का पुरुष १ जना, वाड नं २ का वर्ष ८ र २६ का महिला २ तथा वर्ष ३९ का पुरुष १, वाड नं ४ का वर्ष ३४ का पुरुष १ र वाड नं ७ का वर्ष ३९ का पुरुष १ जना गरी ६ जना हुन् ।
त्यस्तै यशोधरा गाउँपालिका वाड नं ७ का बर्ष २२, २६, ३०, ३६ ,४२ र ४८ वर्षका ६ जना पुरुषहरु रहेको स्वास्थ कार्यालय कपिलवस्तुले बताएको छ ।
