काठमाडौं । प्रधानमन्त्री केपी शर्मा ओलीले कोभिड–१९ बाँध फुटेजस्तै फुटेको बताएका छन् । प्रतिनिधिसभा बैठकमा सम्वोधन गर्ने क्रममा प्रधानमन्त्री ओलीले नसोचेको गतिमा कोभिड फैलिएको भन्दै त्यसलाई व्यवस्थित गर्न समस्या भएको बताए ।
तर उनले पहिलो संक्रमणको टेष्ट विदेशमा गराएको र आज देशमा २१ वटा परीक्षण स्थल रहेको बताए ।
उनले महामारीजस्तो विषय दलीय विषय नभएको बताए । ‘यो मानवीय विषय हो । यो सरकारको मात्र विषय हैन’ उनले भने ।
प्रधानमन्त्री ओलीले बजेट कोभिडमै आधारित भएको बताएका छन् । तर कोरोनाबारे बजेटमा कुनै उल्लेख नभएको भन्दै सांसदहरुले अर्थमन्त्रीको चर्को आलोचना गरेका थिए ।
