कपिलवस्तु । आइतवार ११ नयां कोरोना भाइरसका संक्रमित थपिएका छन् । नयां संक्रमित सबै वाणगगा नगरपालिकाका रहेका छन् । नगरपालिकामा आइतबार थप भएका ११ जनामध्ये वडा नम्बर ३, १० र ११ का रहेको बताइएको छ ।
स्वास्थ्य अधिकृत भक्ति पाण्डेका अनुसार १० का २ जना, ३ का ४ जना र ११ का ५ जना रहेका छन् । पछिल्लापटक पीसीआर जाँच भएकामध्ये ११ जनामा कोरोना पुष्टि भएको हो ।
संक्रमित सबै भारतबाट आएका बताइएको छ । यीसंगै कपिलवस्तुमा कोरोना भाइरस संक्रमितको संख्या ७ सय ३ पुगेको जिल्ला स्वास्थ्य कार्यालयले जनाएको छ । नेपालमा हालसम्म धेरै संक्रमित हुने जिल्ला कपिलवस्तु नै रहेको छ ।
