मुगु । नेपाली कांग्रेसका सस्थापक नेता एवं नेपालका प्रथम जननिर्वाचित प्रधानमन्त्री विश्वश्वर प्रसाद कोईरालाको नामबाट स्थापित वि.पी स्मृती प्रतिष्ठानको भवन निर्माणका लागि शिलान्यास गरिएको छ ।
छायाँनाथ रारा नगरपालिकाको आर्थिक सहयोगमा मुगु जिल्लाको सदरमुकाम गमगढीमा बिहीबार भवन निर्माणका लागि शिलान्यास गरिएको हो ।
नगरपालिकाले आर्थिक बर्ष २०७६–०७७मा भवन निमार्णका लागी ४३ लाख रकम विनियोजन गरेको थियो । सोहि रकम अनुसार भवन निर्माणको लागी नगर प्रमुख हरिजंग शाहीले शिलान्यास गरेका हुन् ।
२ तलाको बन्ने उक्त भवनको डिजाईन ईस्टमेट अनुसार कुल लागत ८३ लाख भएपनि यो बर्ष पहिलो तला ४३ लाखमा बन्ने बताईएको छ ।
मुगुको सदरमुकाम गमगढी स्थित छायाँनाथ रारा नगरपालिका वडा नं २ स्थित प्रसाशन कार्यालय नजिकै उक्त भवन बन्न लागेको हो ।
