नेपालगञ्जमा पहिलो पटक दैनिक ज्याला मजदुरी गर्नेहरुको स्वाब संकलन
प्रकाशित २०७७ साउन ८ बिहिबार
47
Shares
नेपालगञ्ज । नेपालगञ्जमा दैनिक ज्याला मजदुरी गर्नेहरुको पहिलो पटक स्वाब संकलन गरिएको छ । नेपालगञ्जको त्रिभुवन चोकबाट दैनिक ज्याला मजदुरी गर्ने १ सय ३० जना मजदुरको स्वाब संकलन गरिएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताए ।
बिहिबार त्रिभुवन चोक पुगेर स्वास्थ्यकर्मीको टोलीले पिसिआर परिक्षणका लागि स्वाब संकलन गरेको थियो ।
प्रमुख जिल्ला अधिकारी रामबहादुर कुरुम्बाङ, जिल्ला स्वास्थ्य कार्यालय बाँकेका प्रमुख धिरजंग शाह समेतको उपस्थितिमा स्वाब संकलन गरिएको हो । दैनिक ज्याला मजदुरी गर्ने सर्वसाधारण दिनहुँ विहान त्रिभुवन चोकमा जम्मा हुने गर्दछन् ।
कामको खोजीमा त्रिभुवन चोक पुग्नु उनीहरुको दैनिकी हो । नेपालगञ्जका सबै स्थानमा जम्मा हुने मजदुरको केही दिनमै स्वाब संकलन हुने भएको छ।
