व्यापारी नारायण पौडेलको घरको जुवा खालबाट १ दर्जन व्यापारी पक्राउ, रिहा गर्न सभामुखको दवाव
बिष्णु खत्री सहितका व्यापारी पक्राउ
हाम्राकुरा संवाददाता,
प्रकाशित २०७७ साउन १८ आइतबार
13
Shares
काठमाडौं। महानगरीय प्रहरी वृत्त महाराजगञ्जले जुवा खेलिइरहेका अवस्थामा केहि व्यापारीहरुलाई नियन्त्रणमा लिएको छ ।
प्रहरीले नेकपा निकट बाह्रबिसेका व्यापारी नारायण पौडेलको महाराजगञ्जस्थित घरबाट जुवा खेलिरहेका व्यापारी बिष्णु खत्री, गोवर्दन श्रेष्ठ, याम बहादुर श्रेष्ठ, नरध्वज श्रेष्ठ, राज श्रेष्ठ, सिद्धि बहादुर श्रेष्ठ, याङवा शेर्पा, अनिल लगुन, सूर्य नारायण श्रेष्ठ, छविलाल विक, सोम बहादुर श्रेष्ठ र गम्भिरदास गुभाजुलाई पक्राउ गरेको डिएसपी रोशन खड्काले पुष्टी गरे । प्रहरीले उनीहरुका साथबाट ३ लाख ८ हजार ५ सय नियन्त्रण बरामद गरेको छ ।
पौडेल भोटेकोशी गाउँपालिकाका अध्यक्ष राजकुमार पौडेलका दाई हुन् । पौडेल दाजुभाई सभामुख अग्नी सापकोटा निकट छन् । पौडेलका अर्का भाई बच्चु पौडेल हिमालय सीमापारको अध्यक्ष हुन् ।
पक्राउ परेकाहरुलाई छुटाउन सभामुख सापकोटा निकटहरुले दवाव दिएको स्रोतले दावी गरेको छ । साथै प्रहरीका केहि उच्च अधिकारीहरुले पनि छुटाउन दवाव दिएका छन् ।
पक्राउ परेकाहरु सबैलाई अहिले पनि महाराजगञ्ज प्रहरी वृत्तमा राखिएको छ । प्रहरीले अनुसन्धानका लागि थप पाँच दिनको म्याद लिएको छ।
