काठमाडौं । बैंकका कर्मचारीलाई काममा जाँदा बाटोमा नरोक्न गृह मन्त्रालयले निर्देशन दिएको छ । बिहीबार बैंकमा जान लागेका कर्मचारीलाई ट्राफिक प्रहरीले रोकेपछि गृह मन्त्रालयले शुक्रबार देखि नरोक्न निर्देशन दिएको हो ।
बैंकिङ सेवालाई अत्यावश्यक सेवामा राखिएको भन्दै गृह मन्त्रालयले काठमाडौं उपत्यकाका तीनै जिल्ला प्रमुखहरुलाई बैंकिङ सेवाका लागि बैंकमा जान लागेका कर्मचारीलाई अवरोध नगर्न निर्देशन दिएको हो ।
योसँगै शुक्रबार देखि काठमाडौं उपत्यकाका बैंकका शाखाहरुमा न्युनतम कर्मचारी राखेर सूचारु हुने भएका छन् ।
बिहीबार बैंकका कर्मचारीहरुलाई प्रहरीले रोकेपछि बैंकर्स संघले बिहीबार उपत्यकाका मूख्य कार्यालयबाहेकका सबै शाखा बन्द गरेको थियो ।
बैंकरहरुले एटिएममा पैसा उपलब्ध गराउन, विद्युतीय कारोबारलाई सहजता हुनेगरी भएपनि न्युनतम कर्मचारीलाई अवराेध गर्न नहुने बताउँदै आएका छन् ।
