नेपालगञ्जको एभरेष्ट बैंकमा पनि देखियो कोरोना, नेपालगञ्जमा ९ थपिए
प्रकाशित २०७७ भदौ ९ मंगलबार
24
Shares
नेपालगञ्ज । बाँकेमा मंगलबार ९ जना कोरोना संक्रमित थपिएका छन् ।
भेरी अस्पताल प्रयोगशाला नेपालगञ्जमा गरिएको पिसिआर परिक्षणमा भेरी अस्पतालका एक जना चिकित्सक, एभरेष्ट बैंकका २ जना, वडा प्रहरी कार्यालय नेपालगञ्जका एक जना, नेपालगञ्जको वडा नम्बर ४ का ३ जना, वडा नम्बर १ र ९ का १-१ जनामा कोरोना पुष्टि भएको छ ।
यो संगै बाँकेमा कोरोना संक्रमितको संख्या ८ सय ४४ पुगेको छ । यी मध्ये ६ सय ५४ जना निको हुँदा ४ जनाको मृत्यु भएको छ ।
भेरीमै गरिएको परिक्षणमा बर्दियाका ६ जनामा पनि कोरोना देखिएको छ । ठाकुरबाबा नगरपालिकाका ४ जना तथा बढैयाताल गाउँपालिका र राजापुर नगरपालिकाका १-१ जनामा कोरोना पुष्टि भएको अस्पतालले जनाएको छ ।
