डडेल्धुरा । नेपाली काँग्रेस डडेल्धुराले जिल्लाको आलिताल गाउँपालिकास्थित बलौचा, ओबा, ऐरानी, धुपखेडा र खिन्नेभाडी गाउँका पहिरो पीडितलाई राहत वितरण गरेको छ।
चुरे श्रृंखला क्षेत्रबाट खसेको पहिरोका कारण आलिताल गाउँपालिकाको वडा नम्बर ७ का बलौचा, ओबा, ऐरानी, धुपखेडा र खिन्नेभाडीका ३५ परिवार विस्थापित भएका थिए ।
बुधबार ती सबै परिवारलाई कांग्रेस डडेल्धुराले संचालन गरेको एनडी प्रकाश आपतकालीन चुलोले राहत स्वरुप खाद्यान्न सामग्री सहयोग गरेको छ।
डडेल्धुरा काँग्रेसले विस्थापित परिवारलाई प्रति परिवार २५ किलो चामल, २ किलो दाल, १ लिटर तेल र १ किलो नुन गरी ९ क्विन्टल चामल ७० केजी दाल ३५ लिटर तेल, ५ पेटी चाउचाउ, २० पिस मास्क वितरण गरेको हो ।
राहत सामग्री नेपाली कांग्रेसका कार्यबाहक सभापति करुणाकार भट्टले गाउँपालिका अध्यक्ष बलबहादुर गुरुङलाई हस्तान्तरण गरेको दुर्गा कापडीले बताए ।
