बुटवल । भीम अस्पताल भैरहवामा ६५ वर्षीया महिलको मृत्यु भएको छ । भदौ १५ गते कोरोना संक्रमण देखिएपछि सो अस्पतालको आईसोलेसनमा भर्ना भएकी उनको मंगलबार राति ९ः४५ बजे ज्यान गएको हो ।
मृतक महिला पश्चिम नवलपरासीको रामग्राम नपा ५ की भएको अस्पतालका सुचना अधिकारी नारायण पोख्रेलले जानकारी दिए ।
उनका अनुसार महिला मधुमेह र उच्च रक्तचापकी बिरामीसमेत थिइन् ।
यस्तै उक्त मृतक महिलाको शव व्यवस्थापनका लागि नेपाली सेनासंग समन्वय गरिने जिल्ला प्रशासन कार्यालय रुपन्देहीले जनाएको छ ।
स्वास्थ्य तथा जनसंख्या मन्त्रालयले मंगलबार अपरान्हसम्म नेपालमा कोरोनाबाट ज्यान जानेको संख्या २३९ रहेको जनाएको थियो ।
