काठमाडौं। अन्तर्राष्ट्रिय खेलहरू आयोजना गर्ने लक्ष्यसहित जम्मु काश्मिरको श्रीनगरमा बख्शी फुटबल स्टेडियमको निर्माण कार्य द्रुत गतिमा भइरहेको छ । स्टेडियम १८ हजार सिट क्षमता क्षमता रहने अपेक्षा गरिएको छ ।

जम्मू कश्मीर प्रशासनले ५० करोड बजेटमा राष्ट्रिय परियोजना निर्माण निगम (एनपीसीसी) अन्तर्गत फिफा मापदण्डसहित अन्तर्राष्ट्रिय फुटबल स्टेडियम बनाउन लागेको हो ।

कोभिड-१९ महामारीका कारण निर्माण कार्य रोकिए पनि लकडाउनका मापदण्डहरु सहज बनाइएसँगै निर्माण पुनः सुरु गरिएको भारतीय मिडियाले जनाएका छन् ।

साइट इन्चार्ज अर्शीद हुसेनले बख्शी स्टेडियमको विकास फिफाको आधारमा भइरहेको बताए । "हामी श्रीनगरमा टीआरसी टर्फ मैदानजस्ता सिन्थेटिक ट्र्याक निर्माण गर्दैछौं," हुसेनले भने ।

हुसेनले भने, "यस स्टेडियमको सिट क्षमता १८ हजार हुनेछ । यसमा आठ लेनको एथलेटिक्स ट्र्याक पनि सामेल हुनेछ ।"

मुख्य रंगशाला विस्तार गरिने छ जसमा भीआईपी र भीभीआईपी लाउन्ज र ड्रेसिंग कोठा समावेश हुने छ ।

अधिकारीहरूले पार्किङ सुविधाका लागि मुख्य सडक चौडा गर्ने पनि योजना गरेका छन् । इलेक्ट्रिकल सुविधाले रंगशाला सजिनेछ । खानेपानी र ढल निकासको साथ फिफा मापदण्ड अनुसार मैदान तयार गरिनेछ," उनले भने । 

त्यसैगरी खेलप्रेमी युवाहरुलाई सही दिशामा डोर्‍याउनका लागि जम्मु काश्‍मिरको गान्दरेबल जिल्लाको वाकुरामा अत्याधुनि सुविधासहितको रंगशाला निर्माण गरिएको छ । 

ब्लक विकास काउन्सिलका प्रमुख गुलाम मोद मलिकले भने, "यस क्षेत्रमा खेल गतिविधिको प्रबर्द्धनका लागि वाकुरा रंगशालाले महत्वपूर्ण भूमिका खेल्ने भएको छ । जिल्लामा रहेका अवसर नपाएका तर खेल प्रतिभा भएकाहरुले आफ्नो प्रतिभा प्रस्तुत गर्ने अवसर प्राप्त गर्नेछन् ।" 

उनले थपे, "यस ब्लकको प्रमुख भएको म आठ महिना भएको  छ । मलाई के महसुस भएको छ भने यस क्षेत्रका युवाहरु खेल क्षेत्रमा निकै राम्रा छन् । उनीहरुलाई राम्रो खेलमैदानको आवश्यकता छ । त्यो खेलमैदान १३. २४ लाखमा निर्माण भइरहेको छ ।"

रंगशाला निमार्णमा सकारात्मक विकास भइरहेको छ । जम्मु काश्‍मीर केन्द्र शासित राज्य भएपछि अहिलेसम्म उपयुक्त तवरमा खेल क्षेत्रको विकासका लागि रकम निकासा भइरहेको छ । 

गत वर्ष ५ अगस्टमा जम्मु काश्‍मीररका लागि भनिएको संविधानको धारा ३७० खारेज गरेपछि जम्मु काश्‍मीरमा व्यापक विकासका कामहरुसँगै खेलकुदको पूर्वाधारहरुको पनि निर्माण भइरहेका छन् । 

उक्त खेल मैदान निर्माणको विषयलाई लिएर स्थानीय खेलाडीहरु पनि निकै खुसी भएका छन् । एक स्थानीय खेलाडीले भने, "सरकारले धेरै राम्रो काम गरिरहेको छ । रंगशाला निमार्णको काम तीव्ररुपमा अघि बढिरहेको छ । अधिकारीहरुले सुविधा बढाउने प्रतिबद्धता व्यक्त गरेका छन् । यो निकै चाँडै सम्पन्‍न हुनेछ ।" 

अर्का एक खेलाडीले भने, "यो निकै ठूलो प्रयास हो । हामीसँगै निकै ठूलो खेलमैदान हुनेछ । सरकारले यहाँ सुविधा विस्तार गरिरहेको छ ।"