काठमाडौं । बिहीबार नेपाली बजारमा सुनको मूल्यमा ७ सय रुपैयाँ प्रतितोलाका दरले गिरावट आएको छ ।
नेपाल सुन चाँदी व्यवसाय महासंघका अनुसार बिहीबार सुनको मूल्यमा प्रतितोला ७ सय रुपैयाँले गिरावट आउँदै छापावाल सुनको मूल्य ९६ हजार ५ सय रुपैयाँ प्रतितोला कायम भएको छ ।
यसअघि बुधबार नेपाली बजारमा छापावाल सुनको मूल्य प्रतितोला ९७ हजार २ सय रुपैयाँ रहेको थियो ।
त्यस्तै तेजावी सुनको मूल्य बिहीबार प्रतितोला ९६ हजार रुपैयाँ रहेको महासंघले जनाएको छ ।
महासंघका अनुसार बिहीबार चाँदीको मूल्यमा समेत २० रुपैयाँले गिरावट आएको छ ।
बुधबार प्रतितोला १३ सय ६५ रुपैयाँ चाँदीको मूल्य बिहीबार १३ सय ४५ कायम भएको महासंघले जनाएको छ ।
