परराष्ट्रमन्त्री ज्ञवालीले भारतीय दुतावास पुगेर प्रणव मुखर्जीलाई दिए श्रद्धाञ्जली
प्रकाशित २०७७ भदौ २१ आइतबार
11
Shares
काठमाडौं । परराष्ट्र मन्त्री प्रदिप ज्ञवालीले काठमाडौंस्थित भारतीय दुतावासमा पुगेर भारतीय पूर्व राष्ट्रपति प्रणव मुखर्जीप्रति श्रद्धाञ्जली दिदै शोक पुस्तिकामा हस्ताक्षर गरेका छन् ।
नेपाल र नेपाली जनताकोतर्फबाट पूर्व राष्ट्रपतिको निधनमा श्रद्धासुमन व्यक्त गर्दै उनले शोक पुस्तिकामा हस्ताक्षर गरेका हुन् । भारतका पूर्वराष्ट्रपति प्रणब मुखर्जीको ८४ वर्षको उमेरमा गत सोमबार निधन भएको थियो ।
कोरोना संक्रमण समेत देखिएका मुखर्जीको ब्रेन सर्जरी गरिएको थियो। त्यसयता उनको स्वास्थ्य अवस्था बिग्रिँदै गएको थियो । केहीसातादेखि उनी 'डिप कोमा' मा रहेको अस्पतालले जनाएको थियो ।
दुतावासले ३ दिन शोक पुस्तिका राखेर श्रद्धाञ्जली दिने कार्यक्रम राखेको छ ।
