काठमाडौं । नेपालमा पछिल्लो २४ घण्टामा कोरोनाका नयाँ संक्रमित ९ सय ८० जना फेला परेका छन् ।
स्वास्थ तथा जनसँख्या मन्त्रालयले आइतबार गराएको जानकारी अनुसार पछिल्लो २४ घण्टामा २ सय ९० जना महिला र ६ सय ९० जना पुरुष गरी कोरोना संक्रमितको उक्त सँख्या फेला परेको हो ।
कोरोना संक्रमितको उक्त सँख्यासँगै नेपालका कुल संक्रमितको सँख्या ४६ हजार नाघेको छ ।
आइतबार कलु संक्रमितको सँख्या ४६ हजार २ सय ५७ पुगेको स्वास्थ तथा जनसँख्या मन्त्रालयका प्रवक्ता डा. जागेश्वर गौतमले जानकारी दिए । उनीहरुमध्ये २८ हजार भन्दा बढी निको भइसकेका छन् ।
पछिल्लो २४ घण्टामा नेपालमा कोरोना भाइरसका कारण ९ जनाको ज्यान गएको मन्त्रालयले जानकारी दिएको छ ।
योसँगै नेपालमा कोरोना भाइरसका कारण मृत्यु हुनेको सँख्या २ सय ८९ पुगेको मन्त्रालयले जानकारी दिएको छ ।
पछिल्लो २४ घण्टामा १० हजार ३ सय ८२ नमुना परिक्षण गरिएको छ । उक्त अवधिमा १ हजार ८ सय १४ जना निको अर्थात डिस्चार्ज भएका स्वास्थ तथा जनसँख्या मन्त्रालयले जानकारी दिएकाे छ ।
