-
-
-
-
काठमाडौं । इंगलिश प्रिमियर लिग फुटबलको नयाँ सिजन शनिबारदेखि सुरु हुँदैछ । पहिलो दिन शनिबार चार खेलमात्र हुँदैछन् ।
बर्नली र म्यान्चेस्टर युनाइटेड तथा म्यान्चेस्टर सिटी र एस्टन भिल्लाबीचको खेल भने रद्द भएको छ ।
च्याम्पियन लिभरपुलले नवप्रवेशी क्लब लिड्ससँग घरेलु मैदानमा खेल्नेछ । यो खेल राति १०ः४५ बजे सुरु हुनेछ । राति १ः१५ बजे वेष्ट ह्याम युनाइटेड र न्युकासल युनाइटेडबीचको भिडन्त हुनेछ ।
त्यसअघि ८ः१५ बजे क्रिस्टल प्यालेसले घरेलु मैदानमा साउथ ह्याम्पटनसँग खेल्नेछ ।
उद्घाटन खेलमा भने फुल्हमले घरेलु मैदानमा साँझ ५ः४५ बजे आर्सनलसँग खेल्नेछ ।
गत सिजन लिभरपुलले ९९ अंकसहित जित्दा ८१ अंकको म्यान्चेस्टर सिटी दोस्रो भएको थियो ।
६६ अंकबाट म्यान्चेस्टर युनाइटेड तेस्रो, ६६ अंकबाटै चेल्सी चौथो, ६२ अंकबाट लेस्टर सिटी पाँचौं तथा ५९ अंकबाट टोटनह्याम हट्सपर छैटौं भएको थियो ।
टोटनह्याम हट्सपरमा सेन्सेसनल प्रशिक्षक होजे मौरिन्हो जोडिन आइपुगेका छन् ।
कोरोना भाइरसको महामारीका कारण छोटो विश्रामपछि नयाँ सिजन सुरु भएको हो ।
