भेन्टिलेटरमा राखेर उपचार गर्दागर्दै पुरुषको मृत्यु
प्रकाशित २०७७ असोज ४ आइतबार
28
Shares
राँझा । बाँकेमा कोरोना संक्रमणबाट गएराति थप एक ५९ वर्षीय पुरुषको मृत्यु भएको छ ।
दुवै फोक्सोमा निमोनिया भएपछि भेरी अस्पताल नेपालगञ्जमा भर्ना भएका नेपालगञ्ज उपमहानगरपालिका२१ का पुरुषको गएराति मृत्यु भएको स्वास्थ्य कार्यालय बाँकेका कोरोना स्रोत व्यक्ति नरेश श्रेष्ठले जानकारी दिए ।
उनका अनुसार स्वासप्रश्वासमा समस्या भएपछि भदौ २० गते साँझ भेरी अस्पताल नेपालगञ्जमा भर्ना गराइएको थियो ।
कोरोनाको लक्षण देखिएपछि स्वाब परीक्षण गर्दा भदौ २१ गते संक्रमण देखिएको थियो । उपचारकै क्रममा स्वास्थ्य अवस्था बिग्रिदै गएपछि शनिबार साँझदेखि भेन्टिलेटरमा राखेर उपचार गर्दागर्दै मृत्यु भएको श्रेष्ठले बताए ।
योसँगै बाँकेमा कोरोनाबाट मृत्यु हुनेको सङ्ख्या १० पुगेको छ ।
