काठमाडौं । नेपाली कांग्रेसका नेता नविन्द्रराज जोशीले काठमाडौं महानगरपालिकाका मेयर विद्यासुन्दर शाक्यलाई कहाँ हराएको भनी प्रश्न गरेका छन् ।
उनले सामाजिक संजालमार्फत विद्यासुन्दरलाई सम्वोधन गर्दै कोरोना भाइरसको महामारीले विकराल लिँदासमेत कता हराएको भनी गम्भीर प्रश्न गरेका हुन् ।
उनले खुलामञ्चमा भोकाहरुलाई खुवाइरहेकाहरुलाई खुवाउन बन्देज लगाएकोप्रति प्रश्न गर्दै भोको भेटलाई भोकै बस्न वाध्य बनाउँदा इज्जत कहाँ पुग्यो भनी प्रश्न समेत गरेका छन् ।
नेता जोशीले भोकोपेट भर्न अघि बढेका सहृदयी हातलाई सरसफाइको बहानामा रोक्नु अन्याय हैन र ? भनी प्रश्नसमेत गरेका छन् ।
यसो लेखेका छन् जोशीले, ‘विद्यासुन्दरजी ! काठमाडौंमा महामारीले विकराल रुपलिइरहँदा तपाईं कहाँ हुनुहुन्छ ? भोकपेटलाई भोकै बस्न बाध्य बनाउँदा तपाईंको इज्जत कहाँ पुग्यो ? भोकोपेट भर्न अघि बढेका सहृदयी हातलाई सरसफाइको बाहनामा रोक्नु अन्याय हैन र । कुनैपनि बाहना नागरिकको पेट भोको राख्न पाइदैन ।’
