काठमाडौं । भारतीय अभिनेत्री कंगना रेनोटको बंगलामा तोडफोडका क्रममा बाधा पुर्याउने महिलालाई मुम्बई अदालतले जमानत दिएको छ । कंगनाको बंगलामा नगर निकायले गरेको तोडफोडका क्रममा कथित तरिकाले बाधा पुर्याएको र एक सरकारी कर्मचारीलाई रोकेको आरोपमा गिरफ्तार महिलालाई अदालतले जमानत दिएको हो ।
कंगनाको घरको बाहिर प्रदर्शन गरेको आरोपमा पुलिसले १५ जनालाई पक्राउ गरेको थियो । अतिरिक्त १७ न्यायाधीश आर एम सदरानीले ५१ वर्षीया सपना परेरालाई १५ हजार भारु निजी मुचुल्कामा जमानत दिएका हुन् ।
माहिलामाथि आईपीसीको धारा ३५३, १८८ र बम्बई पुलिस अधिनियमको प्रावधान अनुसार मामिला दर्ता भएको थियो ।
अभियोजन पक्षका अनुसार १५ देखि २० जनाको एक समूहले बान्द्रामा कंगनाको बंगला बाहिर जम्मा भएर तोडफोडको कार्वाहीको विरोध जनाएका थिए ।
उनीहरुले पुलिसलाई कर्तव्य पूरा गर्नबाट रोकेको बताइएको छ ।
उनलाई झुठो मुद्धामा फसाएको वकिल श्रीगणेश सावलकरले बताएका छन् ।
