काठमाडौं । पेरिस मास्टर्स टेनिसको उपाधि रसियन टेनिस स्टार डानिल मेदभेदेबले जितेका छन् । फ्रान्सको पेरिसमा आइतबार राति भएको फाइनलमा जर्मन खेलाडी एलेक्सजेन्डर जेभरेभलाई पराजित गर्दै मेदभेदेबले उपाधि जितेका हुन् ।
तेस्रो वरीयताका मेदभेदेबले चौंथो वरीयताका जेभरेभलाई ५–७,६–४ र ६–१ को सेटमा पराजित गरे । २४ वर्षीय मेदभेदेबको यो आठौं एटिपी उपाधि हो ।
सेमिफाइनलमा मेदभेदेबले क्यानेडियन खेलाडी मिलोस रावनिकलाई र जेभरेभले विश्व नम्बर एक स्पेनिश खेलाडी राफायल नाडाललाई पराजित गरेका थिए ।
