इन्डियन प्रिमियर लिगः यी हुन् १३ औं संस्करणमा सर्वोत्कृष्ट खेलाडीहरु
प्रकाशित २०७७ कार्तिक २६ बुधबार
27
Shares
काठमाडौं । युएईमा सम्पन्न १३ औं संस्करणको इन्डियन प्रिमियर लिग (आईपीएल) टी–२० क्रिकेट मंगलबार राति सम्पन्न भएको छ । पाँचौं पटक मुम्बईले उपाधि जितेको छ । आईपीएलको सर्वाधिक सफल टिम मुम्बईले फाइनलमा दिल्ली क्यापिटल्सलाई हराएर उपाधि जितेको हो । पहिलो पटक फाइनल खेलेको दिल्ली फाइनलमा ५ विकेटले पराजित भयो ।
को को भए सर्वोत्कृष्ट खेलाडीहरु ?
–मुम्बईका ट्रेन्ट बोल्ट प्लेयर अफ द फाइनल चुनिए । उनले ४ ओभरमा ३० रन खर्चेर ३ विकेट लिएका थिए ।
–राजस्थान रोयल्सका बलर जोफ्रा आर्चर मोस्ट भ्यालुएबल प्लेयर घोषित भएका छन् । उनले १४ खेलमा २० विकेट लिएका थिए भने ११३ रन बनाएका थिए ।
–किंगस इलाभेन पञ्जाबका कप्तान लोकेश राहुलले ओरेन्ज क्याप जितेका छन् । सबैभन्दा बढी रन बनाउने खेलाडीलाई यो उपाधि दिइन्छ । राहुलले १४ खेलमा ६७० रन बनाएका थिए ।
–दिल्लीका बलर कागिसो रबाडाले पर्पल क्याप जितेका छन् । उनले १७ खेलमा सबैभन्दा बढी ३० विकेट लिए ।
