मेक्सिकोमा बिहीबार मात्रै पाँच सय छ्यहत्तरको मृत्यु, एक लाख नाघे मृतक
एएनआई,
प्रकाशित २०७७ मंसिर ५ शुक्रबार
13
Shares
मेक्सिको सिटी । मेक्सिकोमा कोरोनाबाट मृत्यु हुनेको सङ्ख्या एक लाख नाघेको यहाँका अधिकारीले जानकारी दिएका छन् ।
यहाँका स्वास्थ्य सम्बन्धी उपमन्त्री ह्युगो लोपेज गटेलले सो कुराको जानकारी गराएका छन् । उनले बिहीबार दिएको जानकारी अनुसार मेक्सिकोमा यो संक्रमणबाट ती नागरिकको ज्यान गएको छ ।
स्वास्थ्यसम्बन्धी उपमन्त्री लापेजले बिहीबार पत्रकार सम्मेलनमा सो कुराको जानकारी दिए । उनले भने– मेक्सिकोमा कोरोना भाइरसबाट ज्यान जाने व्यक्तिको सङ्ख्या एक लाख नाघेको छ ।
उनका अनुसार मेक्सिकोमा कोरोना भाइरसको संक्रमणबाट एक लाख १०४ जनाको ज्यान गएको छ । बिहीबारमात्र यहाँको सरकारले दिएको जानकारी अनुसार २४ घण्टा यता मेक्सिकोमा ५७६ जनाको यस संक्रमणबाट नै ज्यान गएको छ ।
यहाँ हरेक दिन करिब पाँच हजार जना संक्रमित थपिने गरेका छन् । गएको २४ घन्टा यतामात्र पनि यहाँ चार हजार ४४५ जना संक्रमित थपिएका थिए ।
यो समेत गरी मेक्सिकोमा संक्रमितको सङ्ख्या १० लाख १९ हजार ५४३ जना पुगेको पनि अधिकारीहरुले जानकारी दिएका छन्
