काठमाडौं । विवेकशील नेपाली दल र साझा पार्टीबीचको एकता प्रक्रियामा विवेकशीलका १३ जना सहभागी नहुने भएका छन् । विवेकशील नेपाली दलको हालको संघीय समितिमा सदस्य रहेका ३५ मध्ये दुई पदाधिकारीसहित १३ जनाले विवेकशील नेपाली दल र साझाको आगामी यात्रामा सहभागी नहुने जनाएका हुन् । 

उनीहरुले अहिले एकीकरणको लागि सही समय हैन र विवेकशील र साझाबीच भएका राजनीतिक मतभिन्नताका विषयहरूलाई नटुङ्याइकन एकीकरण गर्न उचित हुन्न भन्ने बारेमा नेतृत्व तथा आम सदस्यहरूसँग विभिन्न समयमा छलफल गरे पनि सकारात्मक नतिजा नआएपछि एकीकरणमा सहभागी नहुने जनाएका हुन् । 

देशमा भइरहेको गलत राजनीतिको विरुद्ध सही राजनीतिको अनिवार्यता नकार्न सकिँदैन भन्दै उनीहरुले वैकल्पिक राजनीतिको पनि नयाँ परिभाषा सहित नयाँ एजेण्डा कार्ययोजना र रणनीति आवश्यक रहेकोमा जोड दिएका छन् । 

एकतामा सहभागी नहुने निर्णय गरेका उनीहरुले पार्टी दर्ताको सम्बन्धमा आफूहरुको विचारसँग सहमत विवेकशील नेपाली दलका नेताहरु तथा सुभेच्छुकसँगको छलफलपछि छिट्टै अगाडि बढ्ने समेत उल्लेख गरेका छन् । 

एकता प्रक्रियामा सहभागी नहुनेहरु निम्न छन्–
१, अजीता राई (उपाध्यक्ष)

२, संगीता बाटाजु –सचिव (कार्यालय व्यवस्थापन)

३, कर्मा लामा तामाङ  –संघीय समिति सदस्य

४, छिरिंग तामाङ – संघीय समिति सदस्य

५, विजय बाबु शिवाकोटी – संघीय समिति सदस्य

६, जेसन बैद्य – संघीय समिति सदस्य

७, शिशिर राई –संघीय समिति सदस्य

८, जमाल अली – संघीय समिति सदस्य

९, आशीष राई – संघीय समिति सदस्य

१०, ज्ञानेन्द्र निरौला – संघीय समिति सदस्य 

११, साधना थुलुङ्ग राई – संघीय समिति सदस्य

१२, शशिविक्रम कार्की – संघीय समिति सदस्य

१३, आलोक सुवेदी – संघीय समिति सदस्य