रौतहट । रौतहटको चन्द्रपुर नगरपालिकाको ७ नम्बर वडामा घरमै पुगेर सामाजिक सुरक्षा भत्ता वितरण गरिएको छ ।
बुधबार ७ नम्बरका वडाअध्यक्ष बिष्णु प्रसाद उप्रेती र प्रभु बैंक,चन्द्रपुर शाखाका प्रमुख राजेश पोख्रेलले घरमै गएर अशक्त बृद्धबृद्धालाई भत्ता बितरण गरिएको वडाअध्यक्ष उप्रेतीले जानकारी दिए ।
चन्द्रपुर ७ का पाहुन खा थारु र मुर्तिया देबिलाई ४ महिनाको मासिक ३ हजारका दरले १२-१२ हजार रुपैयाँ वितरण गरिएको प्रभु बैंकका शाखा प्रमुख पोख्रेलले जानकारी दिए ।
अबका दिनमा प्रभु बैंकको सहयोगमा अपांग,असक्तलाई घरमै पुगेर भत्ता बितरण हुने वडाध्यक्ष उप्रेतिले बताए ।
