राजेन्द्र लिङ्देनलाई एयर एम्बुलेन्समा ल्याइयो, थप उपचार मेडिसिटीमा
प्रकाशित २०७७ मंसिर २५ बिहिबार
14
Shares
काठमाडौं । राष्ट्रिय प्रजातन्त्र पार्टीका पूर्वमहामन्त्री तथा झापा क्षेत्र नं ३ बाट निर्वाचित सांसद राजेन्द्र लिङ्देनलाई निमोनियाले ग्रस्त बनाएपछि उपचारका लागि बिहिबार झापाबाट काठमाडौँ ल्याइएको छ ।
केही दिनदेखि अस्वस्थ उनमा निमोनिया संक्रमण पुष्टि भएपछि बिहिबारै उपचारका लागि विर्तामोडको बिएन्डसी हस्पिटलको सघन उपचार कक्षमा भर्ना गरिएको थियो । निरन्तर अक्सिजनको मात्रा घट्न थालेपछि नेपाली सेनाको एयर एम्बुलेन्स झिकाएर थप उपचारका लागि उनलाई बिहिबार बेलुकी ७:३० बजे काठमाडौँ ल्याइएको जिल्ला सचिव केशव ओझाले बताए ।
नेपाली सेनाको एयर एम्बुलेन्स चन्द्रगढी विमानस्थलमा अवतरण भएको थियो । उनलाई काठमाडौँको मेडिसिटी हस्पिटल लगिएको जनाइएको छ ।
बिहिबारै उनको पिसिआर परीक्षण गरिएको र कोभिड– १९ नेगेटिभ रिपोर्ट आएको ओझाले जानकारी दिए ।
सांसद लिङ्देनले झापामा राप्रपाले आयोजना गरेको मोटरसाइकल र्यालीको नेतृत्व गरेका थिए ।
