कानेपोखरी-भाउन्ने सडक खण्डमा ट्रीपर र जन्ती बोकेको बस ठोक्किँदा ७ घाइते
विवेक मिश्र,
प्रकाशित २०७७ मंसिर २६ शुक्रबार
15
Shares
बेलबारी । मोरङको कानेपोखरी-भाउन्ने सडक खण्डमा ट्रीपर र जन्ती बोकेको बस एक आपसमा ठोक्किँदा ७ जना घाइते भएका छन् ।
शुक्रबार बिहान पूर्वबाट पश्चिम आउँदै गरेको ट्रीपर र पश्चिमबाट जन्ति लिएर पूर्व जाँदै गरेको बस एक आपसमा ठोक्किँदा सो दुर्घटना भएको हो । पूर्वबाट पश्चिम जाँदै गरेको को २१ प ९२०३ नम्बरको स्कुटरलाई बचाउन खोज्दा, ना ७ ख ४४ ट्रीपर र प्र १-००१ ख ८१११ नम्बरको बस जुधेका हुन ।
घाइते हुने बसमा सबार जन्ती रहेका छन् । स्कुटर चालक समेत घाइते भएका छन् । बसको अगाडि बसेका केही जन्ती घाइते भएका छन् । घाइतेको टाउको र खुट्टामा चोट देखिएको छ ।
उनिहरुको बेलबारीको एक क्लिनिकमा सामान्य उपचार पछि घर फर्कीएको इलाका प्रहरी कार्यलय बेलबारीका प्रमुख ऋषिराज ढकालले बताए ।
