काठमाडौं । इंग्लिस प्रिमियर लिग फुटबलमा पूर्व विजेता चेल्सीले लगातार दोस्रो हार भोगेको छ । यसअघि एभर्टनसँग १–० गोल अन्तरले पराजित भएको चेल्सी मंगलबार रातिको खेलमा वुल्भरह्याम्पटन वान्डेरर्ससँग २–१ गोल अन्तरले पराजित गर्यो ।
प्रारम्भिक अग्रतालाई समेत जोगाउन नसकेको चेल्सीका लागि खेलको ४९ औं मिनेटमा ओलिभर जिरुले गोल गर्दै अग्रता दिलाएका थिए । ६६ औं मिनेटमा वुल्भसका डानियल पोडेन्सले गोल गर्दै घरेलु मैदानमा टिमलाई बराबरीमा ल्याए ।
इन्जुरी समयमा पेड्रो नेटोले गोल गर्दै चेल्सीलाई हराए । यो हारले चेल्सीको शीर्ष स्थानमा पुग्ने सपना चकनाचूर भएको छ ।
पल स्कोल्सले यो हारपछि चेल्सी लिग जित्न अझै तयार नदेखिएको प्रतिक्रिया दिएका छन् ।
त्यस्तै अर्को खेलमा म्यान्चेस्टर सिटीले पनि ३ अंक बटुल्न सकेन । सिटीले घरेलु मैदानमै वेष्टब्रोमविच आल्बियनसँग १–१ गोलको बराबरी खेलेको हो ।
यो खेलमा पनि सिटीले अग्रता जोगाउन सकेन । ३० मिनेटमा गुएन्डोगानले गोल गर्दै सिटीलाई अग्रता दिलाए । तर ४३ औं मिनेटमा रुबेन डायसले आत्मघाती गोल गर्दा खेल बराबरीमा रोकियो ।
अंक तालिका
१२ खेलबाट टोटनह्याम हट्सपर र लिभरपुलको समान २५–२५ अंक छ । लेस्टर सिटीको २४ अंक छ । साउथह्याम्पटनको २३ अंक छ भने एक खेल बढी खेलेको चेल्सीको २२ अंक छ ।
