काठमाडौं। प्रधानमन्त्री केपी ओलीले संवैधानिक परिषदसम्बन्धि दोस्रो पटक अध्यादेश ल्याएपछि नेकपामा यसले हलचल नै ल्यायो । नेकपाकै सांसदहरुले संसदलाई वाइपास गर्दै ल्याइएको विवादास्पद अध्यादेशको कडा प्रतिवाद गरे। उनीहरुले गरेको प्रतिवाद प्रधानमन्त्री केपी ओली बिरुद्धको हस्ताक्षर अभियानसम्म पनि पुग्यो । हस्ताक्षरकर्ता नेकपाका सांसदहरुले बिशेष अधिवेशन बोलाउन माग गर्दै राष्ट्रपतिकहाँ हस्ताक्षर सहितको पत्र बुझाउन पनि गए । नेकपाका नेताहरु भिम रावल र पम्फा भुसालले सांसदहरुको हस्ताक्षर सहितको निवेदन बोकेर राष्ट्रपति कार्यालयमा पुगी विशेष अधिवेशन बोलाउन माग पनि गरे । तर उनीहरुको कुरा सुनिएन मात्र उनीहरुको निवेदन समेत दर्ता गरिएन् । बरु उल्टै सो निवेदनको प्रतिलिपि वालुवाटारलाई उपलव्ध गराइयो । ६ घण्टासम्म कुराएर रावल र भुसाललाई फर्काइयो । ८३ जनाको हस्ताक्षर भएको भनिएको सो पत्रमा शिर्ष नेताहरुले भने हस्ताक्षर गरेका छैनन् । सरकारका मन्त्रीहरुले जुन गुटका भएपनि हस्ताक्षर गरेका छैनन् । सभामुख अग्नी प्रसाद सापकोटाले हस्ताक्षर गरेका छैनन् । उनले अध्यादेश ल्याउनुअघी र ल्याएपछि पनि प्रधानमन्त्री ओलीले बोलाएको बैठकमा भाग लिएका छैनन्।  

सभामुख अग्निप्रसाद सापकोटासँगै गृहमन्त्री राम बहादुर थापा बादल, शिक्षामन्त्री गिरिराजमणि पोखरेल, उर्जामन्त्री वर्षमान पुन अनन्त, खानेपानी मन्त्री वीना मगर, श्रम मन्त्री रामेश्वर राय यादव, उद्योगमन्त्री लेखराज भटट, पर्यटनमन्त्री योगेश भट्टराई र कृषीमन्त्री घनश्याम भुसालले पनि ओली विरुद्धको संकलित प्रस्तावमा हस्ताक्षर गरेका छैनन् । नेकपाका पूर्व माओवादी नेताहरु टोपबहादुर रायमाझी, हरिवोलप्रसाद गजुरेल, शक्तिबहादुर वस्नेतले पनि हस्ताक्षर नगरेको बताइएको छ। ओली बिरुद्ध हस्ताक्षर गर्नेहरुमा प्रचण्ड र माधव नेपाल समूहका लगभग समान संख्याका रहेका छन्। 

माधव नेपालनिकट हस्ताक्षरकर्ताहरु यसप्रकार रहेका छन्: 
लालबाबु पण्डित, जयकुमार राई, यज्ञराज सुनुवार, राजेन्द्र राई, गणेशकुमार पहाडी, भीमबहादुर रावल, यज्ञबहादुर बोगटी, कल्याणीकुमारी खड्का, पुष्पाकुमारी कर्ण, मुकुन्द न्यौपाने, शेरबहादुर तामाङ, नारायण खतिवडा, बिरोध खतिवडा, जीवनराम श्रेष्ठ, सुरेन्द्र पाण्डे, रामकुमारी झाक्री, कृष्णभक्त पोखरेल, सोमप्रसाद पाण्डे, गोकर्ण विष्ट, मेटमणि चौधरी, हिराचन्द्र केसी, ध्रुवकुमार शाही, गोपालबहादुर बम, नवराज रावत, झपट रावल, दीपक प्रकाश भट्ट, समीना हुसेन, सरलाकुमारी यादव, निरादेवी जैरु, मायादेवी न्यौपाने, लक्ष्मीकुमारी चौधरी, कृष्णलाल महर्जन, मनकुमारी जिसी, कुमारी विशंखे, सरिताकुमार गिरी, पवित्रा खरेल निरौला, भवानीप्रसाद खापुङ रहेका छन् ।

पूर्वमाओवादी समूहका प्रचण्ड निकटका सांसदहरु भने यसप्रकार रहेका छन्ः
अन्जना विसंखे, अमृता थापा, पम्फा भुषाल, यशोदा सुवेदी गुरुङ, अमनलाल मोदी, इन्दुकुमारी शर्मा, ओनसरी घर्ती, कमला रोका, सुरेशचन्द्र दास, कृष्णबहादुर महरा, गजेन्द्रबहादुर महत, गौरीशंकर चौधरी, गंगाबहादुर तामाङ, चक्रपाणि खनाल, चाँदतारा कुमारी, चुडामणि खड्का, जर्नादन शर्मा, जयपुरी घर्ती, टेकबहादुर वस्नेत, दिलकुमारी दुर्गाबहादुर रावत, देवेन्द्र पौडेल, धर्मशीला चापागाई, पूर्णकुमारी सुवेदी, प्रभु शाह, महेश्वरराज गहतराज अथक, मातृकाप्रसाद यादव, रेखा शर्मा, शशि श्रेष्ठ, शिवकुमार मण्डल केवट, श्यामकुमार श्रेष्ठ, सत्या पहाडी, सन्तकुमार थारु, सुदन किराँती, सुरेन्द्रकुमार कार्की(राम कार्की), सुरेशकुमार राई, हरिराज अधिकारी, हितबहादुर तामाङ, हेमकुमार राई, बोधमायाकुमारी यादव, दुर्गाकुमारी विश्वकर्मा, रामकुमारी चौधरी, छक्कबहादुर लामा रहेका छन्।