-
-
-
-
काठमाडौं । राफेल लियोले खेल शुरु भएको ६ सेकेन्डमै गोल गरेर रेकर्ड आफ्नो नाममा लेखाएका छन् । इटालियन क्लब एसी मिलानका लियोले सिरि ए फुटबलको इतिहासमै सर्वाधिक छिटो गोलको रेकर्ड राखेका हुन् ।
आइतबार राति सासुलोविरुद्ध खेल शुरु भएको ६ सेकेन्डमै पोर्चुगिच २१ वर्षे लियोले गोल गरेका थिए । उनले पिआचेन्जाका लागि पाओलो पोगीले फ्लोरेन्टिनाविरुद्ध सन् २००१ को डिसेम्बरमा राखेको ८.९ सेकेन्डको छिटो गोलको रेकर्ड तोडेका हुन् ।
यो खेल मिलानले २–१ गोल अन्तरले जित्यो ।
आइतबार रातिका अन्य खेल
ईन्टर मिलान २–१ स्पिजिया
टोरिनो १–१ बोलोग्ना
बेनेभेन्टो २–० गिओना
काग्लियारी १–१ युडिनेस
एटलान्टा ४–१ रोमा
लाजिओ ४–१ नापोली
अंक तालिका
१३ औं चरणको समाप्तिसम्म एसी मिलान ३१ अंकसहित पहिलो, इन्टरमिलान ३० अंकसहित दोस्रो तथा युभेन्टस २७ अंकसहित तेस्रो स्थानमा छ ।
एएस रोमा २४ अंकसहित चौथो तथा नापोली २३ अंकसहित पाँचौं स्थानमा छ ।
ईन्टर शीर्ष स्थानको एसी मिलान भन्दा मात्र एक अंक पछि छ । स्पिजिया ११ अंक सहित रेलिगेशन जोन भन्दा एक स्थान माथि छ ।
