काठमाडौँ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा छ हजार ५५९ मा कोरोना परीक्षण गर्दा थप ७४३ मा कोरोना पुष्टि भएको छ । योसँगै हालसम्म संक्रमित हुनेको सङ्ख्या दुई लाख ५५ हजार ९७९ पुगेको छ ।
साथै २४ घण्टामा काठमाडौं उपत्यकामा थप ३१८ जनामा कोरोना संक्रमण पुष्टि भएको छ । पुष्टि हुनेमा ११८ महिला र २०० जना पुरुष रहेका छन् काठमाडौंमा २५०, भक्तपुरमा ३४ र ललितपुरमा ३४ जना नयाँ संक्रमित थपिएका हुन् ।
पछिल्लो २४ घण्टामा ९५२ कोरोना संक्रमित निको भएका छन् । योसँगै कोरोनाबाट निको हुनेको सङ्ख्या दुई लाख ४६ हजार ६६१ पुगेको छ ।
गत २४ घण्टामा कोरोना संक्रमणबाट थप पाँच जनाको मृत्युसँगै हालसम्म मृत्यु हुनेको सङ्ख्या एक हजार ८०३ पुगेको छ ।
