चीनको दबाबपछि उइगर प्रदर्शनकारीमाथि टर्की सरकारको दमन
एजेन्सी,
प्रकाशित २०७७ चैत १३ शुक्रबार
154
Shares
टर्की। टर्कीमा रहेका उइगरहरुले चीनको सिन्जियाङमा भइरहेको उइगरमाथिको यातनाविरुद्ध व्यापक विरोध प्रदर्शनहरू गरिरहेका छन्। अल्पसङ्ख्यक समुदायमाथि भइरहेको हिंसाहरूलाई रोक्नका लागि टर्कीमा रहेका उइगर अधिकारकर्मीहरूले चीनलाई दबाब समेत दिइरहेका छन्। टर्कीका प्रधानमन्त्री रेसेप तैयिप एर्दोगनले सन् २०१९ मा मुस्लिममाथिको आक्रमणलाई नरसंहारको संज्ञा दिएका थिए। तर, पछिल्लो केही वर्षयता भने उनको यो अडानमा परिवर्तन आएको छ।
टर्कीका अधिकारीहरूले चीनको उइगर नीतिहरूको सार्वजनिक आलोचना गर्न पनि छोडेका छन् भने टर्की सरकारले घरमै उइगुरका कार्यकर्ताहरूलाई रोक्ने प्रयासहरू गरिरहेको छ।
जनवरीमा, टर्कीका आधारभूत सदस्यहरू बेपत्ता पारिएका परिवारका सदस्यहरूको बारेमा जानकारी खोज्न प्रयास गर्दै टर्कीको राजधानी इस्तानबुलस्थित चिनियाँ वाणिज्य दूतावासको अगाडि लामो समयसम्म प्रदर्शन गरेको थियो। तर, पछिल्लो समय उक्त क्षेत्रमा प्रदर्शनका लागि रोक लगाइएको छ।
टर्कीमा उइगरको अधिकारको पक्षमा चर्को आन्दोलनहरू हुन थालेपछि चीनले टर्कीलाई दबाब दिएको छ। जसका कारण टर्कीका अधिकारीहरूले उइगरको पक्षमा वकालत गर्नेहरूलाई नियन्त्रणमा लिने र उनीहरूमाथि दमन गर्ने गतिविधिहरू भइरहेका छन्।
फेब्रुअरी २२ मा, संयुक्त राज्य अमेरिका र पछि क्यानडाले चीनमा उइगरमाथि भएको यातना र सफाया अभियानलाई नरसंहारको संज्ञा दिएका छन्।
