जी-२० बाट एक अर्ब डलर राहत ऋण प्राप्त गर्ने पाकिस्तानको आशा
हाम्रा कुरा
प्रकाशित २०७८ वैशाख १९ आइतबार
103
Shares
तस्बिर : फाइल
इस्लामवाद। पाकिस्तानले जी-२० बाट करिब एक अर्ब अमेरिकी डलर राहत प्राप्त गर्ने आशा व्यक्त गरेको छ। पाकिस्तान आर्थिक मामिला मन्त्रालयले शनिवार जी २० बाट ७८५ करोड डलर बिना ब्याज र बाँकी ब्याजसहित उपलब्ध गराउनुपर्ने बताएको छ।
सङ्घीय आर्थिक मामिला मन्त्री खुसरो बख्तियारले ऋण राहतले कोभिड-१९ महामारीको सामाजिक-आर्थिक प्रभाव कम गर्न र मुलुकको तत्काल आर्थिक आवश्यकताहरू पूर्तिको लागि पर्याप्त आर्थिक ठाउँ प्रदान गर्ने बताए।
जी-२० वित्त मन्त्रीहरू र केन्द्रीय बैङ्कका गभर्नरहरूले हालै एक संयुक्त वार्तामा ऋण सेवा सस्पेन्शन इनिसिएटिभ (डीएसएसआई) मा डिसेम्बर २०२१ सम्ममा छ महिनाको म्याद थप्ने घोषणा गरेको छ।
डीएसएसआईले भनेको ऋण चुक्ता गर्न बाँकी रहेका देशहरूको लागि समय सीमा निलम्बनको लागि गरिने पहल हो। पाकिस्तानी अधिकारीहरूले ऋण निलम्बनका लागि ९०० मिलियन अमेरिकी डलर द्विपक्षीय पहलबाट डीएसएसआई दोस्रो चरण अन्तर्गत प्रवेश गरेको बताइएको छ।
गल्फ न्यूजका अनुसार अन्य विकासोन्मुख देशहरूलगायत पाकिस्तानले जी-२० राहत ऋण मुक्ति पहलको लागि योग्य भएको थियो। जुन गत वर्षको अप्रिलमा महामारीको प्रतिकूल असरहरूको सामना गर्न घोषणा गरिएको थियो।
स्थानीय सञ्चार माध्यमको रिपोर्ट अनुसार विश्वव्यापी ऋण भुक्तानी निलम्बन पहलले पाकिस्तानलाई ३.५ अर्ब डलरको अस्थायी राहत प्रदान गरेको छ।
