-
-
-
-
काठमाडौँ । अमेरिकी माथिल्लो सदन सिनेटमा पूर्व राष्ट्रपति डोनाल्ड ट्रम्पमाथिको महाभियोगको प्रस्ताव पास गर्न मंगलबार मतदान हुँदैछ ।
गत जनवरी ६ मा अमेरिकी संसद्मा भएको आक्रमण उक्साएको भन्दै ट्रम्पमाथि महाभियोगको प्रस्ताव अघि सारिएको थियो ।
त्यसपछि जनवरी १३ मा तल्लो सदन हाउस अफ रिप्रिजेन्टेटिभबाट यो प्रस्ताव पास भइसकेको छ ।
मंगलबार १०० सिनेटरहरूले मत खसाल्ने छन् । ट्रम्पमाथि महाभियोग लाग्न दुई तिहाइ मत चाहिने छ ।
५० डेमोक्रेट सिनेटर रहेको अवस्थामा केही रिपब्लिकन सिनेटरहरूले पनि यसको पक्षमै मतदान गर्ने सम्भावना रहेको छ ।
