काठमाडौँ । धितोपत्र बजारमा मंगलवार शेयर कारोवार मापक नेप्से परिसूचकमा सामान्य वृद्धि भएको छ । नेपाल स्टक एक्सचेञ्जका अनुसार नेप्से २.६८ अङ्कले बढेर दुई हजार ६६४.६१ मा पुगेको छ ।
यस्तै सेन्सेटिभ परिसूचक ०.५० अङ्कले बढेर ४७९.६० मा पुगेको छ । मंगलवार कूल २१६ कम्पनीको एक लाख २३ हजार ६९ हजार ६४० कित्ता शेयर रु पाँच अर्ब ५३ करोड ८७ लाख १७ हजार ६४० मा खरिद बिक्री भयो । मङ्गलबारको कारोवारपछि बजार पूँजीकरण ३६ खर्ब ८९ अर्ब ६९ करोड पुग्यो । मंगलवार कारोवार भएका कूल १३ उपसमूहमध्ये चार उपसमूहको शेयर ओरालो लाग्यो । बैंकिङ १.३७, निर्जीवन बीमा २४.३९, सामूहिक लगानी कोष ०.०४ र लगानी उपसमूहको शेयर १.०५ अङ्कले घट्यो ।
व्यापार ३४.३२, होटल तथा पर्यटन १.५६, विकास बैंक ४८.४२, जलविद्युत् ३१.७७, वित्त ४.८८, उत्पादन ५.८७, अन्य ४.५, लघुवित्त ६.१९ र जीवन बीमा उपसमूह ५३.९८ अंकले बढे । कारोवार रकमका आधारमा मंगलवार नागरिक लगानी कोष शीर्ष स्थानमा रह्यो । सो कम्पनीको शेयर रु २१ करोड ४२ लाख ८९ हजार २६८ मा खरिदबिक्री भयो ।
यस्तै नेपाल पूर्वाधार बैंकको रु १९ करोड ८६ लाख ७२ हजार ६६५, नविल बैंकको रु १५ करोड ६४ लाख ५१ हजार ७४, एनआइसी एशिया लघुवित्त वित्तीय संस्थाको रु १५ करोड ६४ लाख ५१ हजार ७४, अरुण काबेली पावरको रु १४ करोड ३३ लाख ४७ हजार २४, सिटिजन बैंक इन्टरनेशनलको रु १४ करोड १७ हजार १४० र एनआइसी एसिया बैंकको शेयर रु ११ करोड ३८ लाख ३४ हजार ३७९ मा खरिदबिक्री भयो ।
महिला लघुवित्त वित्तीय संस्था र युनाइटेड मोदी हाइड्रोपावरको शेयरमा सकारात्मक सर्किट लाग्यो । यस्तै ज्योति लाइफ इन्स्योरेन्सका लगानीकर्ताले ९.९५, हिमालयन ऊर्जा विकास कम्पनी ९.८५, लिबर्टी इनर्जी ८.०७, हिमालयन पावर पार्टनर ७.७७, जनउत्थान सामुदायिक लघुवित्त वित्तीय संस्था ७.५३ र युनिभर्सल पावर लिमिटेडका शेयरधनीले ७.३ प्रतिशतले कमाए ।
समृद्धि फाइनान्सका शेयरधनीले मंगलवार सर्वाधिक २.४७ प्रतिशतले गुमाए । यस्तै ओरियन्टल होटल २.२२, एनआरएन इन्फ्रास्टक्चर २.०४, छयाङ्दी हाइड्रोपावर २.०३, एचआइडिसिएल १.८८, राष्ट्रिय बीमा कम्पनी लिमिटेड १.८१ र एनआइसी एशिया लघुवित्तका लगानीकर्ताले १.६८ प्रतिशतले गुमाए ।
