काठमाडौं । पौडी खेलाडी गौरिका सिंह र कराते खेलाडी मन्देकाजी श्रेष्ठले ‘एनएनआईपीए सर्वोत्कृष्ट खेलाडी’ अवार्ड जितेका छन् । नेपाल राष्ट्रिय तथा अन्तर्राष्ट्रिय खेलाडी संघ (एनएनआईपीए) ले शनिबार भक्तपुरमा आयोजना गरेको एनएनआईपीए स्पोर्ट्स अवार्डमा महिलातर्फ गौरिका र पुरुषतर्फ मन्दे सर्वोत्कृष्ट खेलाडी चुनिएका हुन् ।

वर्ष उत्कृष्ट खेलाडीको अवार्ड प्राप्त गर्ने २६ खेलाडीमध्येबाट गौरिका र मन्दे सर्वोत्कृष्ट ठहरिएका हुन् । सर्वोकृष्ट चुनिएसँगै गौरिका र मन्देले १–१ लाख रुपैयाँ प्राप्त गरेका छन् ।

यस्तै यस पटक थप गरिएको राइजिङ प्लेयर अफ दि इयर अवार्ड पुरुषमा गल्फका सुवास तामाङ र महिलामा कुस्तीकी संगीता धामीले प्राप्त गरे । दुबैले जनही ५०–५० हजार रुपैयाँ प्राप्त गरे ।

प्रतिभावान खेलाडीको अवार्ड पुरुषमा फुटबलका सुजल श्रेष्ठ र महिलातर्फ तेक्वान्दोकी आयशा शाक्यले प्राप्त गरे । उनीहरुले जनही ५०–५० हजार रुपैयाँ प्राप्त गरे ।

यस्तै अवार्ड कार्यक्रममा विभिन्न २६ खेलका उत्कृष्ट खेलाडीलाई ुएनएनआईपीए वर्ष उत्कृष्ट खेलाडीु अवार्ड प्रदान गरिएको थियो । उत्कृष्ट खेलाडी अवार्ड पाउने २६ खेलका प्रत्येक खेलाडीले जनही १०–१० हजार रुपैयाँ नगद प्राप्त गरे ।

कार्यक्रममा पहिलो अन्तर्राष्ट्रिय धावक गजराज जोशीको नाममा रहेको ‘गजराज आदर्श खेलाडी’ अवार्डबाट कराते प्रशिक्षक अकबर शाह सम्मानित भए । शाहले ३५ हजार प्राप्त गरे । यस्तै शाहले पुरस्कारको रकम बोसिगाउँ करातेलाई हस्तान्तरण गरेका थिए ।

पारा एथ्लेटिक अवार्ड टेबलटेनिसका केशव थापाले प्राप्त गरे । एनएनआईपीए पत्रकारिता पुरस्कारबाट अन्नपूर्ण पोस्टका रोशन सिंह राउत सम्मानित भए । उनले २५ हजार प्राप्त गरे ।

यी हुन् हरेक खेलका उत्कृष्ट खेलाडीहरु–

आर्चरी – सनातन मल्ल

एथलेटिक्स – सन्तोषी श्रेष्ठ

ब्याडमिन्टन – रत्नजित तामाङ

बास्केटबल – अनुशा मल्ल

बक्सिङ – मिनु गुरुङ

क्रिकेट – अन्जली चन्द

साइक्लिङ – बुद्धि बहादुर तामाङ

फेन्सिङ – रबिना थापा

फुटबल – सुजल श्रेष्ठ

गल्फ – सुवास तामाङ

ह्यान्डबल – कल्पना ओली

जुडो – देविका खड्का

कब्बड्डी – मेनुका कुमारी राजवंशी

कराते – मन्देकाजी श्रेष्ठ

खोखो – श्याम बुढाथोकी

टेनिस – प्रदिप खड्का

सुटिङ – कल्पना परियार

पौडी – गौरिका सिंह

स्क्वास – विपना ब्लोन

टेबलटेनिस – पुरुषोत्तम बज्राचार्य

तेक्वान्दो – आयशा शाक्य

ट्रायथोलन – सोनी गुरुङ

भलिबल – कुलबहादुर थापा

भारोत्तोलन – विकास थापा

कुस्ती – संगीता धामी

उसु – जुनी राई