पूर्वप्रधानमन्त्री झलनाथ खनाललाई कोरोनाको लक्षण, नर्भिक अस्पताल भर्ना
हाम्रा कुरा
प्रकाशित २०७८ वैशाख १८ शनिबार
27
Shares
तस्बिर : फाइल
काठमाडौं । नेकपा एमालेका नेता तथा पूर्वप्रधानमन्त्री झलनाथ खनाललाई कोरोना संक्रमण भएको छ ।
मनमोहन अस्पताल भर्ना भएका खनाललाई अहिले नर्भिक अस्पताल ल्याइएको उनको निजी सचिवालयले जनाएको छ ।
निजी सचिवालयका अनुसार उनमा कोरोनाको लक्षण देखिएको हो, अवस्था सामान्य नै छ । शुरुमा उनलाई श्वासप्रश्वासमा समस्या आउने, पेट दुख्ने र पखाला लाग्ने समस्या देखिएको थियो ।
खनाल निकट कुनाल राईले निजी सचिवालयलाई उद्धृत गर्दै सामाजिक संजालमार्फत जनाए अनुसार खनाललाई कोभिड १९ को सामान्य लक्षण देखा परेको कारण नर्भिक इन्टरनेशनल हस्पिटल थापाथलीमा भर्ना गरिएको छ ।
