काठमाडौँ । नेपालमा कोभिड-१९ सङ्क्रमणबाट निको हुने भन्दा संक्रमित हुनेको सङ्ख्या बढेको छ । बिहीबार २ हजार १ सय ४१ जना कोरोना भाइरसको सङ्क्रमणबाट मुक्त हुँदा २ हजार ६ सय ७ जनामा सङ्क्रमण पुष्टि भएको छ ।
पछिल्लो २४ घण्टामा थपिएका २ हजार ६ सय ७ संक्रमितसँगै हालसम्म संक्रमित हुनेको सङ्ख्या ६ लाख ४० हजार ४० पुगेको छ । यस्तै २ हजार १ सय ४१ जना कोरोना भाइरसको सङ्क्रमणबाट मुक्त भएसँगै हालसम्म सङ्क्रमणमुक्त हुनेको सङ्ख्या ५ लाख ४५ हजार ६ सय ६२ पुगेको छ ।
पछिल्लो २४ घण्टामा थप ३९ जनाको मृत्यु भएको छ । योसँगै हालसम्म मृत्यु हुनेको सङ्ख्या ८ हजार ५ सय ९७ पुगेको छ ।
पछिल्लो २४ घण्टामा १२ हजार ४ सय ८४ जनाको नमुना परीक्षण गरिएको छ । पछिल्लो २४ घण्टाको तथ्याङ्कले सङ्क्रमण दर २०.८८ प्रतिशत देखाएको छ ।
