‘हवाईजहाज’मा विदेशिएका युवा र उनको परिवारको दुखान्त कथा(भिडियो)
हाम्रा कुरा
प्रकाशित २०७८ वैशाख ८ बुधबार
51
Shares
काठमाडौं । नव गायिका तथा रंगकर्मी पवित्रा राईको गीत ‘हवाईजहाज’को म्यूजिक भिडियो सार्वजनिक भएको छ ।
विदेशिएका नेपालीहरुको मार्मिक पारिवारिक भाव बोकेको गीतको भिडियो निकै मार्मिक बनेको छ । भिडियोमा संगिता थापा र सुमित तामाङको अभिनय देख्न सकिन्छ ।
गीतको भाव र कथाबस्तु अनुसार विदेशिएका श्रीमानले विदेशमै ज्यान गुमाएपछि गाउँमा एक्लिएकी श्रीमती र छोराको मनोभाव प्रस्तुत गरिएको छ ।
रुपेश ढुंगानको शब्द तथा देवेश राईको एरेन्जमा तयार भएको गीतको भिडियो पवित्राले आफ्नै गाउँ इलामको सूर्योदय नगरपालिका सुन्दरपानी क्षेत्रमा छायांकन गरिएको जानकारी दिइन ।
पवित्राकै निर्देशनमा तयार भएको भिडियोका लागि योगेश दाहालले क्यामेरा र लोकेश अधिकारीले ड्रोन चलाएका छन् । किलाइट मोसन पिक्र्चसले पोष्ट प्रोडक्सन गरेको भिडियो केबी भण्डारीले उत्पादनमा सहयोग गरेका छन् ।
